काठमाडौं। कालीकोटमा आगोमा जलेर घाइते बाबु छोरीको मृत्यु भएको छ।
खाँडाचक्र नगरपालिका–५ का ५० वर्षीय नन्दराम चौलागाईं र उनकी १२ वर्षीया छोरी हेमन्तीको उपचारको क्रममा मृत्यु भएको पत्रकार जन्मदेव जैसीले सामाजिक सञ्जाल फेशबुक मार्फत जनाएका छन्।
चैत २ गते बाख्रा चराउन गएको बेला दाम्रीको नवदुर्गा सामुदायिक वनमा भएको आगलागीमा परि गम्भीर घाइते भएका उनिहरुलाई उपचारको लागि गत शनिबार साँझ हेलिकोप्टरबाट कर्णाली प्रदेश अस्पतालमा सुर्खेत ल्याइएको थियो।
