काठमाडौं। निर्देशक जिबी आग्रीले निर्देशन गरेको 'प्रदेशीको बाकश' बोलको गीत सार्वजनिक भएको छ ।
यो गीतको भिडियो सुरेश शाही युट्युब च्यानलबाट सोमबार सार्वजनिक गरिएको हो । बहु चर्चित लोक गायिका शान्ती श्री परियार र सुरेश शाहीको आवाजमा रहेको यो गीतको भिडियोलाई निर्देशक आग्रीले निर्देशन गरेका हुन्।
गीतमा दुर्योधन बस्नेतको शब्द रहेको छ भने, गायक सुरेश शाहीको एरेन्ज रहेको छ। बिरेन्द्र भाट बिपिनले छायाकंन गरेको उक्त भिडियोमा कलाकारहरु शितल केसी, दुर्गा भट्ट, रोम विष्ट, दुर्योधन बस्नेत, सुरेश शाही, प्रेमजंग ठकुरी, नरेश शाही र बब्लु बबालले अभिनय गरेका छन्।
गीतमा बाल कलाकार आयान शाही र रितिका ढुंगानाको पनि अभिनय रहेको छ। गीतले विदेश जान मन नहुँदा नहुँदै पनि बाध्य भएको कथा वस्तुलाई भिडियोमा समेटको छ।
