काठमाडौं। ‘भगवान तिमी विना’ बोलको भजन सार्वजनिक भएको छ। गायक तथा रचनाकार सि.एस. साउदले यो भजन बजारमा ल्याएका हुन्।
पशुपतिनाथको कोटिहोममा छायाँकन गरिएको यो भजनको शब्द, संगीत र स्वर स्वयं साउदकै छ। विरेन्द्र भाट ‘विपिन’ले खिचेको भजनमा कोटिहोमको प्रांगणलाई भव्य रूपमा सजाएर छायाँकन गरिएको छ।
निर्देशक दिपेन्द्र प्रकाश केसीका अनुसार यति धेरै कलाकार र दर्शकसहितको भजन नेपालकै पहिलो हो।
भजनमा बाल योगेश्वर विजय कृष्ण मुर्ति, राजानन्द माण्डव्य, अमृतशरण देवाचार्यलगायतले अभिनय गरेका छन्। करिब १६ मिनेट लामो यो भजन साउदको युट्युब च्यानलमा हेर्न सकिन्छ।
