काठमाडौं। सञ्चारकर्मी तथा गायिका ईश्वरी बरालको ‘माया छ की छैन’ बोलको गीत सार्वजनिक भएको छ।
विपिन आचार्यको शब्द,सङ्गीत र एरेन्ज रहेको गीतमा बरालले आवाज दिएकी हुन् । श्री ईश्वरी प्रडक्सनबाट सार्वजनिक गरिएको गीत कपुरधारास्थित एम बी म्युजिक रेकर्डिङ स्टुडियोमा रेकर्ड गरिएको हो।
गीतको भिडियोमा चर्चित अभिनेता आर्यन सिग्देल, सुजल बम र मोनिका बोहराको अभिनय छ। भिडियोमा गायिका बरालको पनि नृत्य र अभिनय छ।
म्युजिक भिडियोको छायाङ्कन ललितपुर हरिसिद्धिस्थित इट्टा तथा टायल कारखाना र थापाथलिस्थित चियावालाकोमा गरिएको छ। भिडियोका निर्देशक मुस्कान ढकाल हुन् भने छायाङ्कन नवराज उप्रेतीको छ। कोरियोग्राफि शिशिर खातीले गरेका छन्।
गायिका बरालका यसअघिका चर्चित गीतहरूमा ‘नरिसाउन होइ’, ‘खानदानी छोरी’ लगायत छन्।
