बलिउड अभिनेत्रीको ‘फाटेको जिन्स’ फेसन ट्रेण्ड

५ चैत्र, मुम्बई । भारतको उत्तराखण्डका मुख्यमन्त्री तीरथ सिंह रावतले भनेको ‘फाटेको जिन्स’ शब्दले बलिउडमा चर्चा पाएको छ । महिलाको जिन्समाथि मुख्यमन्त्रीले व्यक्त गरेको धारणाले उनलाई अन्य अभिनेत्रीहरुले आफूहरुको तस्वीर हेर्न आग्रह गरेका छन् ।

आजतकमा प्रकाशित समाचारअनुसार सामाजिक सञ्जालमा यो समयमा कैयौं यस्ता तस्वीरहरु भाइरल भइरहेका छन्, जहाँ बलिउड अभिनेत्री आफ्नो फाटेको जिन्समा देखिएका छन् । तर अहिले जुन फेसनलाई ट्रेण्डका रुपमा लिइएको छ, त्यो आफैंमा पुरानो र लामो समयदेखिको हो ।

कैयौं बलिउड अभिनेत्रीहरु फाटेको जिन्समै देखिन्छन् । तर उनीहरुको शैली भने फरक फरक किसिमको छ । उनीहरुको फेसन सेन्सले फ्यानलाई उत्तिकै प्रभावित बनाउने गरेको छ ।

अभिनेत्री दीपिका पादुकोणले कैयौं पटक रिप्ड जिन्स लगाएकी छन् । फाटेको जिन्समा सार्वजनिक स्थानमा भेटिदा उनी निकै खुल्छिन् ।

अर्की अभिनेत्री कृति सेनन पनि सामाजिक सञ्जालमा आफ्नो फोटोसुटवाला फोटो शेयर गरिरहन्छिन् । उनलाई फाटेका जिन्सको फेसन निकै मनपर्छ ।

अभिनेत्री श्रद्धा कपुर विशेषत नो मेकअप लुकमा फाटेका जिन्स लगाउन रुचाउछिन् । ‘स्टुडेण्ट अफ द इयर २’बाट बलिउडमा पाइला चालेकी तारा सुतारियाले पनि निकै सुन्दर फाटेका जिन्स लगाउछिन् ।

अभिनेत्री सारा अली खान पनि फाटेको जिन्स लगाउन लालयित हुन्छिन् । कैयौंपटक उनलाई यस्तो फेसनमा दर्शकले देखेका छन् ।

फेसन र डान्सिङ क्विन मलाइका अरोडा खान यस्तो फेसन कमजोर छैनन् । एयरपोर्टमा होस् वा सपिङमा उनलाई कैयौं पटक फाटेको जिन्सको फेसनमा देखिइएको छ ।

प्रतिक्रिया